වෛද්‍යවරයෙකුට මරු කැඳවූ අනතුර

 

ත්‍රිකුණාමල දිස්ත්‍රික්කයේ සේරුනුවර පොලිස් වසමට අයත් තංගනගර් ප්‍රදේශයේ සිදුවූ රිය අනතුරකින් වෛද්‍යවරයෙකු මිය ගොස් තවත් අයෙකු බරපතළ තුවාල ලබා තිබේ.

ඉන්ධන රැගෙන මඩකලපුව දෙසට ධාවනය වූ බවුසරයක් ඉදිරියෙන් පැමිණි ත්‍රිරෝද රථයක ගැටීමෙන් ත්‍රිරෝද රථයේ ගමන් කළ 59 හැවිරිදි වෛද්‍යවරයා මෙලෙස මිය ගොස් ඇත.

ත්‍රිරෝද රථ රියදුරු බරපතළ තුවාල ලබා පළමුව මුතූර් රෝහලට ඇතුළත් කර පසුව වැඩිදුර ප්‍රතිකාර සඳහා ත්‍රිකුණාමලය මහ රෝහලට මාරු කර යවා ඇත.

මියගිය වෛද්‍යවරයාගේ දේහය දැනට සේරුනුවර රෝහලේ තබා ඇත.

සිද්ධිය සම්බන්ධයෙන් සේරුනුවර පොලීසිය වැඩිදුර පරීක්ෂණ පවත්වයි.

✅✅✅✅✅✅

ශ්‍රී ලාංකික සාත්තු සේවිකාවකට මිසයිල ප්‍රහාරයකින් තුවාල

 

ඊශ්‍රායලයේ ටෙල්අවිව් Beersheba රෝහලේ සේවය කරමින් සිටි ශ්‍රී ලංකාවේ සාත්තු සේවිකාවකට ඉරානය විසින් එල්ල කරන ලද මිසයිල ප්‍රහාරයකින්  තුවාල සිදුව තිබේ.

එලෙස තුවාල ලබා ඇත්තේ, ඉරෝශිකා චතුරංගනී නම් කාන්තාවක් බව ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා සිය ෆේස්බුක් පිටුවේ සටහනක් තබමින් මේ පිළිබඳ සඳහන් කර ඇත.

ඇයට ප්‍රතිකාර ලබාදෙන අතර ඒ පිළිබඳ සොයා බැලීමට තානාපති කාර්යාලයේ කණ්ඩායමක් ඉක්මනින් පිටත් කර හැරීමට කටයුතු කළ බව ද නිමල් බණ්ඩාර මහතා වැඩිදුරටත් සඳහන් කර තිබේ.

චීන ගුවන් යානා තුනක් රෙඩාර් වසාගෙන ඉරානයට

 

ඇමරිකානු ජනාධිපති ඩොනල්ඩ් ට්‍රම්ප් ඊශ්‍රායලය හා ඉරානය අතර පවතින ගැටුම්වලට ඇමරිකානු මැදිහත්වීම සම්බන්ධයෙන් අදහස් දැක්වීම ප්‍රතික්ෂේප කර ඇත.

ධවල මන්දිරයෙන් පිටත පැවති උත්සවයකින් අනතුරුව මාධ්‍යවේදීන් අමතමින්, ගැටුමට ඇමරිකාවේ ප්‍රවේශය ගැන අනාවැකි කීමට නොහැකි බව ඔහු පැවසීය.

“මට එහෙම කියන්න බෑ,” ඔහු කීවේය. “මම ඒක කරන්නත් පුළුවන්, මම ඒක නොකර ඉන්නත් පුළුවන්. මට කරන්න ඕන දේ කවුරුත් දන්නේ නැහැ. නමුත් මට මේක කියන්න පුළුවන්: ඉරානය ඉන්නේ කරදර ගොඩක් මැද සහ සාකච්ඡා කිරීමේ අවශ්‍යතාවෙන්.”

ට්‍රම්ප් ඉඟි කළේ ඉරාන සාකච්ඡාකරුවන් ධවල මන්දිරය වෙත පැමිණ සාකච්ඡා කිරීමට කැමැත්තෙන් සිටිය හැකි බවයි. ඉරාන ගුවන් ආරක්ෂක පද්ධති විනාශ වී යාමත් සමඟ ගැටුම කොපමණ කාලයක් පවතිනු ඇත්දැයි තමන්ට විශ්වාස නැති බව ද ඔහු පැවසීය.

“කොන්දේසි විරහිතව යටත් වෙන්න,” ට්‍රම්ප් අවධාරණය කළේය. “මගේ ඉවසීම නැති වෙලා ගිහින් තියෙන්නේ.”

ඉරානයේ න්‍යෂ්ටික වැඩසටහන සම්බන්ධයෙන් ඔවුන්ගේ “චේතනාව යහපත් එකක් නොවන” බව තමන් විශ්වාස කරන බවද ජනාධිපතිවරයා ප්‍රකාශ කළේය. කෙසේ වෙතත්, ට්‍රම්ප් සඳහන් කළේ තමා ඉරාන ජාතිකයින්ට බෙහෙවින් ඇලුම් කරන බවත්, තම වෘත්තීය ජීවිතය තුළ බොහෝ දෙනෙකු මුණගැසී ඇති බවත්ය.

මේ අතර, යුධෝපකරණ රැගත් චීන ගුවන් යානා තුනක් (බෝයි 747 වර්ගයේ භාණ්ඩ ප්‍රවාහන යානා), රේඩාර් පද්ධති මඟහැර ඉරානයට පැමිණි බවට පුවත් වාර්තා වෙමින් පවතී. මෙම වාර්තා ගැටුමේ කලාපීය සංකීර්ණත්වය තවදුරටත් ඉස්මතු කරයි.

lanka c news

✅✅✅✅✅✅✅✅

ආනයන සීමා ලිහිල් කළ පසු වාහන ලියාපදිචිය ගැන ඇසෙන අලුත්ම කතාව

 

ආනයන සීමා ලිහිල් කළ පසු වාහන ලියාපදිචිය ගැන ඇසෙන ඒ කතාව මෙන්න.

වාහන ආනයන සීමා ගැන පසුගිය කාලයේදී සාකච්ඡා වූ තවත් වැදගත් කරුණක් මෙන්න.

ඔබත් මෙහි සෘජුවට සම්බන්ධවූ පුද්ගලයෙකු වීමේ හැකියාවක් තිබේ! ජනවාරි මාසයෙන් පටන් මේ දක්වා කාලය තුළ යතුරුපැදි ඇතුළු වාහන 73,400ක් පමණ ලියාපදිංචි කර ඇති බව මෝටර් රථ ප්‍රවාහන කොමසාරිස් ජනරාල් කමල් අමරසිංහ මහතා පවසයි.

ඔහු පැවසූවේ, එම වාහන අතරින් විශාලම ප්‍රමාණය යතුරුපැදි වන අතර, එම සංඛ්‍යාව 58,947ක් වේ. එයට අමතරව මෝටර් රථ 7,500ක් සහ ත්‍රිරෝද රථ 1,666ක් ද මෙම කාලසීමාව තුළ ලියාපදිංචි වී ඇත. විශේෂයෙන්ම, මෙම වාහන ලියාපදිංචි වැඩිම ප්‍රමාණය සිදු වී ඇත්තේ පසුගිය මාසය තුළ බවත්, එය දැක්විය යුතු වැදගත් පේළියක් බවත් කොමසාරිස් ජනරාල්වරයා වැඩිදුරටත් සඳහන් කළාය.

✅✅✅✅

මම ඒක කරන්නත් පුලුවන් නොකර ඉන්නත් පුලුවන්

 

ජනාධිපති ඩොනල්ඩ් ට්‍රම්ප් බදාදා දිනයේදී ප්‍රකාශ කළේ, ඊශ්‍රායලය විසින් සිදු කරන ඉරානයේ දීර්ඝකාලීන න්‍යෂ්ටි අවි වැඩසටහන අක්‍රිය කිරීම සඳහා ගන්නා උත්සාහයට සහය වීමක් ලෙස ඉරානයේ භූගත න්‍යෂ්ටික කදවුරු වලට බෝම්බ ප්‍රහාර එල්ලකල යුතුදැයි තවමත් තමන් සලකා බලමින් සිටින බවය.

එසේම ඔහු අනතුරු අඟවා සිටියේ මෙම තීරණය ලබන දින කිහිපය තුළදී සිදුවිය හැකි බවය.

ජනාධිපතිවරයා මෙම අදහස් පළ කළේ ජනාධිපති මැදුරේ දකුණු උයනේ ස්ථාපනය කරනු ලබන විශාල කොඩියක බිම් පිහිටුම නිරීක්ෂණය කරන අතරතුර, හදිසි මාධ්‍ය හමුවක් ඇමතූ අවස්ථාවකදීය.

මෙම අවස්තාවේ ඔහු මාධ්‍ය වෙත මෙසේ අදහස් දැක්වීය.

“මම කියන්නේ, මම ඒක කරයි කියලා ඔයා දන්නේ නැහැ. මම ඒක කරන්න පුළුවන්; මම ඒක නොකර ඉන්නත් පුළුවන්. මම කියන්නේ, මම මොකක්ද කරන්න යන්නේ කියලා කවුරුත් දන්නේ නැහැ.“

“මම එක දෙයක් කියන්න පුළුවන් — ඉරානයට දැන් ගොඩක් ප්‍රශ්න තියෙනවා.”

✅✅✅✅✅

ලොවක් පුදුම කරමින් එතෙක් මෙතෙක් කල් දක්නට නොලැබුන ඉරානය විසින් එල්ල කළ මිසයිල ප්‍රහාරය

 

ඉරානය විසින් අද දින එල්ල කල මිසයිල ප්‍රහාරයක්. මෙම මිසයිල වර්ගය පෙරදි දකින්නට නොලැබුණා නව වර්ගයක් වන අතර වැඩි විස්තර ඉරාන හමුදා තවම නිකුත් කර නෑ.

ඊශ්‍රායලයේ බස් රථ රැසක් ගිනිබත් වෙයි

 

යුද ගැටුම් මධ්‍යයේ ඊශ්‍රායල් ආරක්ෂක තත්ත්වය සහ එරට වෙසෙන ශ්‍රී ලාංකිකයන්ට උපදෙස් යාවත්කාලින කරමින් ඊශ්‍රායලයේ ශ්‍රී ලංකා තානාපති නිමල් බණ්ඩාර නිවේදනයක් නිකුත් කර තිබේ.

එහි සඳහන් වන්නේ ඉරානය විසින් ඊශ්‍රායලයේ ප්‍රධාන නාගරික කලාපයන් ඉලක්ක කර එල්ල කරන බැලස්ටික් මිසයිල ප්‍රහාර ඊයේ (17) දවසේ සහ රාත්‍රිය මුළුල්ලේ ක්‍රියාත්මක වූ බවයි.

එයින් කිහිපයක් හැර අනෙක් සියල්ල සම්පුර්ණයෙන් විනාශ කිරීමට ඊශ්‍රායිල් ආරක්ෂක අංශ සමත්වූ බවයි වාර්තා වන්නේ.

ඊශ්‍රායලයේ තානාපති නිලධාරීන් බොහෝ දෙනෙක් පදිංචිව සිටින ටෙල් අවිව් නගරයට උතුරින් පිහිටි හර්සිලියා නාගරික ප්‍රදේශයේ බස් ඩිපෝවක් අසලට ඉරාන බැලස්ටික් මිසයිලයක් කඩාවැටී තිබේ.

ඒ හේතුවෙන් එහි නවතා තිබූ බස් රථ ගණනාවක් ගිනිබත් වූ බවයි වාර්තා වන්නේ

aruna